Усэйн Болт: МЮ бугун "Ювентус" устидан 1:0 ҳисобида ғалаба қозонади

Енгил атлетика бўйича кўп карра олимпиада ўйинлари чемпиони, айни дамда эса Австралиянинг "Сентрал Кост Маринерс" клубида профессионал футболчилик фаолиятини олиб бораётган Усэйн Болт бугун ЕЧЛнинг 3-туридан ўрин олган "Манчестер Юнайтед" ҳамда "Ювентус" жамоалари ўртасидаги баҳс олдидан ўз фикрини билдириб ўтди.

“Бугун супер ўйин кутяпман. Чунки, бугун икки ажойиб жамоа муҳим мусобақада ўзаро баҳс олиб боришади. Ҳозир А Серияда “Ювентус”нинг ишлари ажойиб, “Манчестер Юнайтед”нинг эса АПЛдаги ҳолати у қадар мақтагудек эмас. Аммо, мен барибир ўз фикримда қоламан. “Юнайтед” ўз майдонида ўйнайди ва устунлик улар томонда. “Олд Траффорд”да ўйнашнинг меҳмонда ўйнашдан фарқи жуда катта. Бу ўйинда кўп гол бўлишини кутмаяпман, менимча МЮ 1:0 ҳисобида ғалаба қозонади”, - дейди ямайкалик футболчи.

Эслатиб ўтамиз, “Манчестер Юнайтед” – “Ювентус” учрашуви бугун Тошкент вақти билан соат 00:00да бошланади.