Усэйн Болтга профессионал шартнома таклиф қилишди

Қисқа масофага югуриш бўйича сайёрамизнинг энг кезкор спортчиси ямайкалик Усэйн Болт енгил атлетикадан кейин футбол билан шуғулланиб юрганидан хабарингиз бор. Маълум бўлишича, унга Австралия клубларидан бири профессионал шартнома таклиф қилган.

Болт айни пайтда "Сентрал Кост Мэринес" жамоасида шуғулланиб келмоқда. 10 кун муқаддам ушбу жамоа таркибида ўртоқлик учрашувида майдонга тушиб, дубл қайд этишга ҳам муваффақ бўлган ва ўшанда унинг жамоаси 4:0 ҳисобида ғалаба қозонган эди. Футболчининг агенти Рики Симс шартнома борасидаги хабарни тасдиқламоқда. Келишув ижобий якунланадиган бўлса, ямайкалик спортчи расман клуб ўйинчиси сифатида оммага эълон қилинади.