Венгер фаолиятини якунламоқчи эмас

“Арсенал” собиқ бош мураббийи Арсен Венгер фаолиятини якунламоқчи эмас ва мураббийликни давом эттириш истаги борлигини маълум қилган.

– Мен ҳали фаолиятимни якунлаганим йўқ, – дейди Венгер. – Одамлар қариган вақтингизда ҳар доим сизни нафақага чиқаришни исташади, аммо фаолиятни давом эттириш истагим бор. Мендаги устунликлардан бири бу 35 йиллик тажрибадир. Бу имкониятни бошқаларга улашишни истайман. Агар шундай қилмас экансиз, ҳаётда яшаш бефойда. Сиз бошқаларга нимадир бермасдан бу дунёни тарк этмаслигингиз керак.

Венгер “Арсенал”ни 1996-2018 йилларда бошқарган. Унинг қўл остида “тўпчилар” 3 марта Англия чемпиони, 7 марта мамлакат кубоги ва 7 марта Суперкубок соҳибига айланган.