Халқаро Олимпия қўмитаси ижроия қўмитаси Токиода 2020 йилда ўтувчи ёзги Олимпиадада бокс мусобақасини ўтказиш бўйича режаларни музлатиб қўйди. Бу ҳақда kun.uz сайти хабар бермоқда. 

Бу қарор Халқаро ҳаваскорлик бокси уюшмасига (AIBA) нисбатан олиб борилаётган тергов ва унинг амалдаги раҳбариятидан норозилик билан боғланган.

ХОҚ AIBA раҳбари лавозимига АҚШ молия вазирлиги санкциялари остига тушган Ғофур Раҳимовнинг сайланганидан норози бўлмоқда.

Шунингдек, уюшмага нисбатан унинг молиявий ва аксилдопинг фаолияти бўйича тергов бошланган.

ХОҚ қарор доирасида AIBA’ни молиялаштириш, чипталар сотиш, квалификация ва саралаш тизимини тасдиқлаш ва татбиқ қилишни тўхтатиб қўйган. Шу билан бирга ХОҚ спортчилар манфаатларини ҳимоя қилиш ва мусобақанинг ўтказилиши учун барча саъй-ҳаракатларни амалга оширишга ваъда берган.

Бундан ташқари, ХОҚ ҳузурида уюшманинг ҳисоботини батафсил ўрганиб чиқувчи ва эҳтимолий санкциялар бўйича тавсиялар рўйхатини тузувчи махсус қўмита ташкил этилди.

2020 йилги Олимпиадада бокс мусобақаси ўтказилиши ёки ўтказилмаслиги бўйича якуний қарор ХОҚнинг 2019 йилда Лозаннада ўтадиган кейинги сессиясида қабул қилинади.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98