Хави қайси мураббийларга ҳавас қилишини айтди

"Барселона" клуби афсонаси, айни дамда эса Қатарнинг "Ал-Садд" клубида тўп сураётган Хави келажакда қайси мураббийга ўхшаш нияти борлигини айтди.

“Хосеп Гвардиола – ажойиб мураббий. Мен уни жудаям ҳурмат қиламан, у менинг фаолиятимда катта аҳамият касб этади. Менинг ўйин фалсафам уникига жуда ўхшаб кетади. Мен жамоам тўпни ўз назоратида ушлаб туриши хоҳлайман. Шунингдек, мен айни дамда “Челси”да фаолият олиб бораётган Сарридан кўп нарсани ўрганаман. Бундан ташқари Анчелотти ва Контенинг имкониятларини ҳам юқори баҳолайман”, - дейди Хави.

Эслатиб ўтамиз, ўтган йили УЕФАнинг мураббийлик курсларини тамомлаган 39 ёшли футболчи бу мавсум бутсаларини михга илиши ва келажакда мураббийлик фаолиятини бошлаши ҳақида айтиб ўтган эди.