Хуан Мата “Арсенал”га ўтиши мумкин

“Манчестер Юнайтед” клуби ярим ҳимоячиси Хуан Мата “Арсенал” аъзосига айланиши мумкин, дея хабар беради Daily Mail нашри. 30 ёшли испаниялик футболчининг “қизил иблислар” билан тузган амалдаги шартномаси 2019 йил ёзида якунига етади.

Маълум бўлишича, Мата манкунианликлар билан шартнома узайтирмоқчи бўлган, бироқ клуб ҳозиргача унга янги келишув таклиф қилмаган. Унга шунингдек, собиқ жамоаси “Валенсия” ҳам қизиқмоқда.

transfermarkt сайти маълумотларига кўра, Матанинг трансфер нархи 30  миллион еврони ташкил қилади.

Мата МЮ сафида 2014 йилдан бери тўп суриб келмоқда. Бу мавсум у 12 ўйинда майдонга тушиб, 3 гол ва 1 голли узатмага муаллифлик қилган.