Ёш дзюдочиларимиз Макаода 3 та олтин медаль олишди

Макаода дзюдо бўйича ўсмирлар ва ёшлар ўртасида Осиё кубогига мезбонлик қилмоқда. Қувонарлиси, ушбу беллашувда иштирок этган ўсмирларимизнинг барчаси шоҳсупага кўтарилишди. 

Қизлар тоифасида Сита Қадамбоева (-48 кг) ҳамда Нилуфар Ермагамбетова (-52 кг), йигитларимиздан Жайҳунбек Назаров (-66 кг) ўз вазн тоифаларида олтин медални қўлга киритган бўлса, яна бир ёш дзюдочимиз Мақсуд Саломов (-55 кг) бронза медали билан тақдирланди. Таъкидлаш жоиз, ушбу мусобақа Аргентинада бўлиб ўтадиган учинчи ўсмирлар Олимпиадаси учун қимматли рейтинг очколарини тақдим этади.