А Серия. Лукаку дубль қилган баҳсда "Рома" "Кальяри"ни мағлуб этди, Шомуродов эса...
Италия А Сериясининг 8-туридан ўрин олган "Кальяри" - "Рома" баҳси бўлиб ўтди. Унда меҳмонлар 1:4 ҳисобида зафар қучди.
Римликлар сафида голларни Ауар, Лукаку (дубль) ва Белотти киритди. Майдон эгаларининг ягона голи Нандез номига қайд этилди.
Ҳамюртимиз Элдор Шомуродов эса сардинияликлар сафида 74-дақиқада захирадан майдонга туширилди.
Шу тариқа, "Рома" 3 очкони қўлга киритиб, 11 очко билан 10-ўринга чиқиб олди. "Кальяри" 2 очко тўплаган ҳолда сўнгги 20-ўринни банд этган.
Фикрлар