А Серия. Марказий баҳсда "Ювентус" ғалаба қозонди. Шомуродов 81-дақиқада ўйинга қўшилди

Италия А Серияси 8-турининг марказий учрашуви бўлиб ўтди. Унда "Ювентус" ўз майдонида "Рома"ни қабул қилиб, 1:0 ҳисобида ғалаба қозонди. 

Ўйиннинг 16-дақиқасида Мойзе Кин ҳисобни очди. Биринчи бўлим сўнггида "бўрилар" орадаги фарқни йўққа чиқариши мумкин эди, бироқ Верету пенальтидан фойдалана олмади.

Легионеримиз Элдор Шомуродов 81-дақиқада захирадан ўйинга қўшилди. Орадан 4 дақиқа ўтиб, ҳакам томонидан огоҳлантирилди.

• 90+3'
  

  Ҳакам хуштаги янгради ва учрашув якунланди. "Ювентус" ўз майдонида "Рома" устидан 1:0 ҳисобида зафар қучди

• 90+2'

  Қўшиб берилган дақиқаларда Моуриньо шогирдлари гол уриш учун олдинга ўтмоқда

• 90+'
  

  Ўйинга 3 дақиқа қўшиб берилди

• 89'
  

  Бу сафар ҳакам Манчига сариқ карточка кўрсатди

• 88'
  

  Данило ҳакам томонидан огоҳлантирилди

• 87'

  Дарвозага йўлланган зарбалар бўйича статистика: 8-13

• 85'
  

  Шомуродов огоҳлантирилди

• 84'

  Кристантенинг жарима майдони ташқарисидан йўллаган кучли зарбаси ҳимоячига тегиб майдон ташқарисига йўл олди

• 80'
  

  "Рома"да ўзгариш: Верету ўрнига ШОМУРОДОВ туширилди

• 76'
  

  "Юве"да навбатдаги ўзгариш: Бернардески кетди. Унинг ўрнида Артур ҳаракат қилади

• 73'

  ВУУУУҲ! Матиас Винья осонликчи "Юве" ҳимоячиларини ортда қолдириб, дарвоза томон зарба йўллади. Чап бурчакка йўналтирилган зарба бир ҳимоячига тегиб майдон ташқарисига йўл олди

• 71'
  

  "Ювентус"да ўзгариш бўлади: Мойзе Кин ўрнига Кулусевски, Кьеза ўрнига эса Мората туширилди

• 67'

  Пеллегрининг жарима зарбасидан узатган пасини ҳимоячилар майдон ташқарисига чиқариб юборди

• 65'

  ЗАРБААА! Веретунинг айланма зарбаси дарвоза тўсинининг ёнгинасидан ўтиб кетди

• 61'

  "Юве" қисқа паслар билан рақибнинг сабрини синамоқда. 

• 57'

  Эл-Шаарави рақиб футболчисини йиқитди

• 55'

  Йўқ! Пенальти йўқ. Ўйин давом этади

• 52'

  Пеллегрини жарима майдони ичида тўқнашувдан сўнг йиқилди. Ҳакам ВАРга мурожаат қилди. Пенадьти белгиланиши мумкин

• 49'
  

  Орсато Де Шильога қўпол ўйнагани учун сариқ карточка кўрсатди

• 47'
  

  Пеллегрининг бурчак тўпидан узатган пасини ҳимоячилар узоқлаштирди

• 46'
  

  Иккинчи таймга старт берилди

• 45+5'
  

  Биринчи бўлим якунланди. Ҳозирча ҳисоб 1:0!

• 45+3'
  

  Ҳакам Абрахамни огоҳлантирди

• 45+'
  

  Биринчи таймга ҳакам 4 дақиқа қўшиб берди

• 43'
  

  ВАААЙ! Жордан Верету 11 метрлик нуқтадан фойдалана олмади! Шенснидан сейв!

• 42'
  

  Пенальти! Ҳакам "Юве" дарвозасига 11 пенальти белгилади. Шенсни тўп учун курашда Михитарянга нисбатан қўполлик ишлатди

• 40'
  

  "Рома" футболчиси гол урганди, бироқ голгача бўлган вазиятда жарима майдонида дарвозабонга нисбатан фол ишлатилгани учун гол инобатга олинмади

• 39'

  Абрахамда яхши имконият бўлиши мумкин эди, бироқ ортдан югуриб келган туринликлар футболчиси тўпни майдон ташқарисига чиқариб юборди

• 38'

  "Рома" тезкор қарши ҳужумга ўтди. Эл-Шаарави қанотдан тезликда кириб келди ва жарима майдони ичига тўпни узатди. Абрахамнинг бош билан йўллаган зарбасини дарвозабон ушлаб олди

• 36'

  "Ювентус" тўп назоратини ўз томонига оғдриш билан банд. Жамоалар хавфли ҳужумлар уюштирмаяпти

• 31'

  Эл-Шааравининг жарима майдони ташқарисидан йўллаган зарбаси анча кучсиз чиқди

• 28'

  Бентанкур фол ишлатди.

• 27'
  

  Мажбурий ўзгариш: Заньоло ўйинни давом эттира олмайди. Унинг ўрнига Стефан Эл-Шараави туширилди

• 25'

  Заньоло рақиб жарима майдонига ёриб кирмоқчи эди, ҳимоячилар тўпни узоқлаштирди

• 22'

  Ҳаммаси яхши Николо ўйинни давом эттира олади

• 21'
  

  "Рома" футболчиси Заньоло жароҳат олган бўлиши мумкин. Унга тиббий ёрдам кўрсатилмоқда

• 21'

  Ўтказиб юборилган голдан сўнг "бўрилар" гол уриш илинжида олдинга ўтмоқда

• 16'
  

  ГООООООООООЛ! Де Шильонинг қанотдан узатилган пасидан сўнг аввалига Бентанкур бош билан зарба йўллади кейин Мойзе КИН тўпни дарвозага буриб қўйди

• 15'

  "Рома" футболчилари майдон марказида майда паслар билан рақиб хатосини кутмоқда

• 11'

  "Рома" футболчисининг кучли зарбаси Бонучига тегиб қайтди. Ҳимоячига майдонда тиббий ёрдам кўрсатилмоқда

• 9'
  

  Бурчак тўпидан сўнг Кристантенинг бош билан йўллаган зарбасига озгина ноаниқ чиқди

• 8'

  ЗАРБААА! Заньоло икки рақибини алдаб тўпни Пеллегринига узатди. Унинг кучли зарбасига аниқлик етишмади

• 6'

  Стандарт вазиятдан сўнг Манчини бош билан дарвозага зарба йўллади. Войцехга бу қийинчилик туғдирмади

• 3'

  Ўйин темпи жуда юқори. Абрахам ҳужумда Кьелинига нисбатан фол ишлатди

• 1'

  Дастлаби дақиқаданоқ майдон эгалари олдинга ўтди. Бернардескининг зарбасини дарвозабон қийинчиликсиз ушлаб олди

• 1'

  Баҳсни Даниэ Орсато бошқариб боради. Умид қиламиз, у майдондалиги деярли сезилмайди

• 1'
  

  Учрашувга старт берилди!

• 0'

  Жамоалар майдонга чиқиб келишди

• 0'

  "Рома" сафида ҳаракат қилаётган легионеримиз Элдор Шомуродов Турин клубига қарши ўйинни захира ўриндиғида бошлайди

• 0'

  Ассалому алайкум қадрли футбол мухлислари. Бир неча сониялардан сўнг А Серияда турнинг марказий баҳси старт олади.