А Серияда “Реал” ёки “Сити”да ўйнашга ярайдиган фақат бир футболчи бор! У ким?

Италия терма жамоаси сафида жаҳон чемпиони бўлган машҳур ҳимоячи Фабио Каннаваро А Серияда “Реал” ёки “Манчестер Сити”да ўйнашга қодир бўлган фақат бир футболчи борлигини айтди.

- Лаутаро Мартинеснинг даражасидан шубҳаланманг. У жаҳон чемпионати, Америка кубоги ва Италия чемпионатида ғолиб чиқди ва жамоасига катта фойда келтирмоқда. А Серия ва “Интер” уни ушлаб қолишига умид қиламан.

Мен А Серия ўйинчилари ҳақида ўйлаганимда, “Реал” ёки “Манчестер Сити”да ўйнаб кета оладиган футболчи сифатида фақат Лаутарони кўрсата оламан. Бошқа бирортаси йўқ, - деди Фабио Каннаваро.

Аргентиналик ҳужумчи “Интер”да 2018 йилдан бери тўп тепмоқда. Ўтган мавсумда Лаутаро барча турнирларда 44 та ўйинда қатнашиб, 27 та гол ва еттита ассист муаллифи бўлди.