А Сериянинг янги мавсуми старт олди ёхуд 1-турдаги кутилган ва кутилмаган натижалар

А Сериянинг янги 2024/25 мавсуми старт олди. Биринчи тур доирасидаги ўйинлар "Ювентус" -"Комо" баҳси билан якунига етди.  

"Ювентус" - Моттанинг ажойиб старти

Янги мураббий бошчилигидаги илк расмий ўйин мухлисларда ижобий таассурот қолдирди .

"Ювентус"нинг ўнинчи рақамдаги янги кучи Кенан Йилдиз ўзини кўрсатди. Ҳимояга ҳам ёрдам берди, тўп билан ажойиб дрибблингларни амалга оширди ва голли узатма муаллифи бўлди.

Ярим ҳимоя чизиғида майдонга тушган Локателли  ўйин давомида Камбьязо билан ўрин алмашди ва ўнг ёки марказий ҳимоячи позициясида ўйнади. Андреа кўпроқ ҳужумкор ролида ҳаракат қилди. Тўпга эгалик қилиш борасида у ажойиб кўрсаткич қайд этди ва тез-тез ҳужумда самарали ўйин кўрсатди.

Милан клубларидан муваффақиятсиз старт

"Интер" ҳам, "Милан" ҳам ўз баҳсларида фаворит эди. Биринчисига Биссеканинг ўз жарима майдончасидаги бепарво ўйини тўсқинлик қилган бўлса, иккинчисида имкониятлардан унумли фойдаланмаганлиги ва Фонсеканинг асосий таркибни танлашдаги қарори халал берди. Шу билан бирга, "Женоа" ва "Торино" ҳам жуда муносиб ўйин ўтказишди ва умуман олганда ижобий натижага лойиқ эди.

Кейинги турда "Интер" фаворитлигича қолади, рақиб "Лечче"нинг ғалаба учун имкониятлари кам. "Милан"га эса қийин бўлади. Сабаби, Мората жароҳат олди, Йович эса кутилганидек ўйин кўрсата олмади.

"Наполи"нинг "қовун"лари давом этмоқда

"Наполи" ўтган мавсумдаги каби "даҳшатли туш"ни кўраётганга ўхшайди. "Верона"га қарши ўйинни кузатган мухлисларга аён бўлдики, неаполликлар учун мавсум осон бўлмайди. Конте ҳали ўз услубига мос ҳужумчи олиб келмади. У машаққатли машғулотлар ўтказаётгани ҳам маълум, шунинг учун "Наполи" мавсум бошида қийналиб қолса ажаб эмас.

"Парма" ва "Торино" ҳайратда қолдирди

Янги-эски танишлар олий лигага ажойиб қайтишди, "Фиорентина" билан ўйинда ҳужумлар ажойиб ташкил этилди, аммо ҳимоя чизиғига саволлар кўп. 

Бутун ҳимоя марказини бой берган "Торино" қарши ҳужумлар эвазига "Милан" билан тенг ўйнади.

Ажойиб натижаларга  бой ўтган биринчи турдан сўнг турнир жадвали қўйидаги кўринишга келди: