Абдуқодир Ҳусанов "Манчестер Сити"да ой футболчиси бўлиш учун номзодлар қаторида

"Манчестер Сити" апрель ойининг энг яхши футболчиси совринига даъвогарларни эълон қилди. Қувонарлиси, номзодлар орасидан ўзбекистонлик ҳимоячи Абдуқодир Ҳусанов ҳам жой олди.

Ушбу соврин учун Ҳусанов Бернарду Силва ва Нико О'Райли билан рақобат қилади. Клуб ўз расмий саҳифалари орқали мухлислар овоз беришини бошлаб юборган.

Абдуқодирнинг бу рўйхатдан ўрин олиши унинг сўнгги баҳслардаги ишончли ва барқарор ўйини самараси сифатида баҳоланмоқда. Ёш ҳимоячи қисқа вақт ичида жамоа мухлислари эътиборини қозониб, асосий таркиб учун жиддий даъвогарга айланиб улгурди.

Эслатиб ўтамиз, ҳамюртимиз "шаҳарликлар" таркибида умумий 43 та ўйинда майдонга тушишга улгурди.