Абдуқодир Ҳусанов сабабли Эронга деярли етиб олдик! ("Трансфермаркт")
Хабарингиз бор, "Ланс" сафида тўп тепаётган легионеримиз Абдуқодир Ҳусановнинг трансфер қиймати яқинда 5 миллион евродан 12 миллион еврогача кўтарилганди.
Қайд этиш жоиз, футболчимиз айни вақтда Аббосбек Файзуллаевни ортда қолдириб (6 миллион евро), Ўзбекистоннинг энг қиммат футболчисига айланиб олди. Унинг трансфер нархи ошиши ортидан Ўзбекистон терма жамоасининг айни вақтдаги "Трансфермаркт" порталидаги қиймати 46,25 миллион еврога кўтарилди. Қайд этиш лозим, мазкур кўрсаткич бўйича Эрон 47,90 миллион евро миқдор билан Осиёда биздан бир поғона юқорида. Бир ва иккинчи ўринларни Япония (289 миллион евро) ҳамда Ж. Корея (163 миллион евро) банд этиб турибди.
Шу тариқа, Ўзбекистон терма жамоаси яқин вақтлар ичида форсларни ортда қолдириб, Осиёнинг энг қиммат таркибга эга 3 термасидан бирига айланиб олиши мумкин.
Фикрлар