Абдурасул Исмоилов профессионал рингда мағлубиятсиз сериясини давом эттирди

Жанубий Кореянинг Пусан шаҳридаги ташкил этилган бокс оқшомида икки нафар ўзбекистонлик чарм қўлқоп усталари ўзларининг навбатдаги жангларини ўтказишди.

Вакилларимиз иштирокидаги дастлабки тўқнашувда Абдурасул Исмоилов мезбон боксчи Ён Мин Ким устидан ишончли ғалабага эришди. Шундай қилиб, 8 раунд давом этган қарама-қаршиликда ғолиб номи очколар бўйича аниқланди.

Иккинчи жангда эса мағлубиятсиз сериясини давом эттириш келаётган Равшанбек Шерматов тажрибали ва енгилмас боксчи Жон Сун Гангга очколар ҳисобига мағлуби бўлди.

Эслатиб ўтамиз, ҳар икки ўзбекистонлик боксчи ҳам бу жангга қадар профессионал рингда 3 мартадан жанг ўтказиб, уларнинг барчасида зафар қучиб келаётган эди.