Абрамовичнинг ҳисоблари музлатилди!

“Челси” хўжайини Роман Абрамовичнинг Британиядаги активлари музлатилганидан кейин у клубни сотиб юбора олмайдиган бўлди.

Ўтган ҳафта россиялик миллиардер клубни, “Стэмфорд  Бриж” аренаси ва “Челси”нинг кўчмас мулкларини сотиб юборишга қарор қилганди. Бироқ тадбиркор режасини амалга оширишга улгурмади.

Британия ҳукумати қўллаган сакцияга кўра, Абрамович жисмоний шахс ва компаниялар билан транзакция қила олмайди ва сайёҳатга чиқишига ҳам чеклов қўйилган.

Бундан ташқари, “Челси” клуби янги трансферларни амалга ошириши, ўйинчиларга янги шартнома бериши, учрашувларга чипта сотиши, атрибутлар билан савдо қилиши ва стадионни реконструкция қилиши ҳам таъқиқланди.

Роман Абрамович клубни 3 миллиард фунтга баҳолаётган эди ва уни сотиб олиш учун бир неча харидорлар таклиф билан чиққан.