Африка Миллатлар кубоги. Нигерия Махрез бошчилигидаги Жазоирни мағлуб этган ҳолда, ярим финалга йўл олди

Африка Миллатлар кубоги чорак финалнинг навбатдаги учрашувида Нигерия терма жамоаси Жазоирни 2:0 ҳисобида мағлуб этиб, ярим финалга йўл олди. Жамоани ушбу босқичда Марокаш терма жамоаси кутиб турибди. 
 
Бугунги баҳснинг 47-дақиқасида Виктор Осимхен, 57-дақиқаcида эса Акор Адамс рақиб дарвозасини ишғол қилишга муваффақ бўлди.
 
Маълумот ўрнида, Нигерия плей-офф босқичида Мозамбикни 4:0 ҳисобида енгган эди. Жазоир эса Конгони минимал ҳисобда мағлуб этиб, бу босқичга етиб келганди.