Агент: Мбаппенинг бошқа клуб билан келишуви бор

Футбол агенти Бруно Сатин ПСЖ ҳужумчиси Килиан Мбаппенинг "Реал" билан келишуви борлигини айтди.

"Унинг клуб алмаштиришга тайёрлигини ҳис қиляпман. Менда Мбаппе ва оиласининг "Реал" билан келишуви борлиги ҳақида маълумот бор. Аммо бу борада ПСЖнинг ҳам розилигини олиш керак.

Шубҳасиз, ПСЖнинг қатарлик хўжайинлари Мбаппени қўйиб юбормоқчи эмас, шунинг учун у Парижда шартномаси охиригача қолиши ва сўнгра клубни эркин агент сифатида текинга тарк этиши мумкин", – деди аген Canal+ га берган интервьюсида.

22 ёшли Мбаппе жорий мавсум Франция чемпионатида 30 та ўйинда иштирок этди ва ўз ҳисобига 26 та гол ҳамда 7 та голли узатма ёздириб қўйди. Унинг клуб билан амалдаги шартномаси 2022 йилга қадар имзоланган.