Agentlar "Real" Salohni taklif etishdi

Agentlar "Real"ga Kilian Mbappening jarohati tufayli Muhammad Saloҳ nomzodini taklif qilishdi. Bu haqida Defensa Central xabar bermoqda.

Manbaga ko‘ra, "qaymoqranglilar"ga 33 yoshli vingerni 12 mln yevroga ijaraga olish varianti taklif qilingan. Biroq, madridliklar bu taklifni juda qimmat deb hisoblab, rad etishdi.

Saloҳ joriy mavsumda barcha musobaqalarda 20 ta o‘yinda maydonga tushib, 5 ta gol va 4 ta golli uzatmaga mualliflik qildi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 30 mln yevroni tashkil etadi.