АГМК легионер футболчи билан шартнома имзолади

Иккинчи даврага тайёргарлик кўраётган АГМК клуби молдовалик футболчини ўз сафига қўшиб олди.

Олмалиқликлар эркин агент мақомида келган вингер Дан Спатару билан 1 йиллик шартнома имзолади.

28 ёшли қанот вингери фаолиятини Молдовада бошлаган ва Руминия, Россия, Латвия ва Арманистон лигаларида ўйнаган.

Спатару Молдова терма жамоаси аъзоси саналади. Футболчи жорий мавсум Молдованинг «Милсами» жамоасига ўтиб, Европа Конференсия лигаси саралаш босқичида 4 учрашувда ўйнаб, 2та гол муаллифига ҳам айланишга улгурган.

Дан Спатару фаолияти давомида Молдова, Руминия, Арманистон премер лигасида чемпионликни эришган ҳамда ўйнаган лигаларида мамлакат кубоги ва суперкубогини ҳам қўлга киритган совриндор футболчи.