АГМКнинг икки футболчиси Ўзбекистон миллий жамоасига чақирилди

Ўзбекистон миллий жамоаси "ЖЧ-2022" ва "ОК-2023" саралаш босқичи ўйинларига тайёргарлик доирасида 8-18 февраль кунлари БААнинг Дубай шаҳрида ўтказадиган йиғинига АГМК футболчилари жалб этилди.

Олмалиқликлар дарвозабони Ботирали Эргашев ва ҳужумкор вингер Ҳусниддин Ғофуров терма жамоанинг 6 февралда Тошкентда бошланадиган ва 8-18 февраль кунлари БААда давом этадиган йиғинига таклиф олди.

Эслатиб ўтамиз, Ўзбекистон терма жамоаси бўлажак йиғин доирасида Иордания ва Россия чемпиони "Зенит"га қарши назорат учрашувлари ўтказади.