AGMKning OChLdagi 2-tur bahsini qaysi hakam boshqarib borishi ma’lum

Osiyo Chempionlar Ligasi 2-turi doirasida Olmaliqning AGMK klubi Tojikistonning "Istiqlol" jamoasiga qarshi bahs olib boradi. Bu haqida klub rasmiy "Telegram" sahifasi xabar bermoqda. 

"OFK mazkur bellashuvni malayziyalik hakam boshchiligidagi guruhga topshirdi. Jamoamizning "Istiqlol"ga qarshi kechadigan o‘yinini Mohd Amirul Izvan boshqaradigan bo‘ldi. Unga qanotlarda hamyurti Mohd Yusri Muhammad va shri-lankalik Parakkrama Xematxunga ko‘maklashadi. Zaxira referisi ham shri-lankalik Dilan Perera. O‘yin nazoratchisi iordaniyalik Naser Al-Gafari. Uchrashuv komissari esa Munem Faxouri", - deyiladi klub rasmiy sahifasi taqdim etgan xabarda.