АГМКнинг ОЧЛдаги 2-тур баҳсини қайси ҳакам бошқариб бориши маълум

Осиё Чемпионлар Лигаси 2-тури доирасида Олмалиқнинг АГМК клуби Тожикистоннинг "Истиқлол" жамоасига қарши баҳс олиб боради. Бу ҳақида клуб расмий "Телеграм" саҳифаси хабар бермоқда. 

"ОФК мазкур беллашувни малайзиялик ҳакам бошчилигидаги гуруҳга топширди. Жамоамизнинг "Истиқлол"га қарши кечадиган ўйинини Моҳд Амирул Изван бошқарадиган бўлди. Унга қанотларда ҳамюрти Моҳд Юсри Муҳаммад ва шри-ланкалик Параккрама Хематхунга кўмаклашади. Захира рефериси ҳам шри-ланкалик Дилан Перера. Ўйин назоратчиси иорданиялик Насер Ал-Гафари. Учрашув комиссари эса Мунем Фахоури", - дейилади клуб расмий саҳифаси тақдим этган хабарда.