Англиянинг "Манчестер Сити" клуби ҳужумчиси Серхио Агуэро ўтган ой сўнггида йўл-транспорт ҳодисаси натижасида олган жароҳатидан тузалди ва жамоанинг умумий гуруҳ машғулотларига қўшилди. Бу ҳақда Goal нашри хабар бермоқда.

Эслатиб ўтамиз, даставвал шифокорлар аргентиналик футболчининг соғайиши учун таҳминан икки ой вақт талаб этилиши ҳақида айтишган эди. Бироқ, у кутилганидан анча эрта тузалди.

Эътиборлиси, Агуэро эртага АПЛнинг 8-турида бўлиб ўтадиган "Сток Сити"га қарши баҳсда майдонга тушиши ҳам мумкин.