Агуэро собиқ клубига қайтиши мумкин

Хабарингиз бор, "Манчестер Сити" ҳужумчиси Серхио Агуэро мавсум якунига етгач, "шаҳарликлар" билан хайрлашишини маълум қилганди. Айни пайтда аргентиналик ҳужумчига қизиқиш билдираётган жамоалар сони кўпайиб бормоқда. 

Шу жумладан, футболчи ўз профессионал фаолиятини бошлаган Аргентинанинг "Индепендиенте" клуби собиқ ҳужумчисини ортга қайтаришга тайёр. Бу ҳақида Буюк Британиянинг "The Sun" нашри маълумот бермоқда. 

32 ёшли футболчи "Атлетико"да порлашидан аввал, айнан ушбу клубда 3 мавсум ҳаракат қилган ва европалик скаутлар назарига тушганди. 

"Кўҳна қитъа"да Кун Агуэрога манзур бўладиган таклиф берувчи клуб топилмаган тақдирда, у Аргентинага қайтиб кетишга қарши эмас. Аввалроқ, унинг "Барселона"га ўтиши хусусидаги хабарлар тарқалганди. 

Матнда хатолик топсангиз, ўша хатони белгилаб, бизга жўнатинг (Ctrl + Enter)