Ёлғон тарқатишни бас қил! Файзуллаевнинг собиқ жамоаси Фабрицио Романони кескин огоҳлантирди
Ўзбекистон миллий терма жамоаси ҳужумкор футболчиси Аббосбек Файзуллаевнинг собиқ жамоаси - Россия Премьер-лигаси иштирокичиси ҳисобланган ЦСКА клуби ахборот хуружига тўқнаш келди.
Москва клуби матбуот хизмати машҳур инсайдер Фабрицио Романога ижтимоий тармоқдаги саҳифаси орқали кескин мурожаат йўллади.
Бу мурожаат Романонинг Аргентинанинг “Бока Хуниорс” клуби вингери Эсекиэль Себальосга ЦСКА йилига 5 миллион евро маош таклиф қилгани ҳақидаги хабарига жавоб сифатида янгради.
Романонинг маълум қилишича, футболчи ЦСКАнинг юқори маош бўйича таклифини рад этиб, “Наполи”га ўтишни маъқул кўрган.
ЦСКА матбуот хизмати эса қуйидагиларни маълум қилди:
- Фабрицио, бемаъни гапларни тарқатишни бас қил. Сен ҳурматга сазовор журналистсан. ЦСКА ҳеч қачон бирор футболчига йилига 5 миллион евро соф маош таклиф қилмаган.
“Бока” билан музокаралар февраль ойида якунланган, ҳеч қандай битим ҳам, футболчига шахсий шартнома таклифи ҳам бўлмаган.
Биз ушбу трансфер ойнасида вингер изламаяпмиз.
Битимларни реклама қилиш ва талабларни сунъий равишда ошириш учун клубимиз номидан фойдаланишни бас қил, - дейилади ЦСКА баёнотида.
Эслатиб ўтамиз, Аббосбек Файзуллаев 2023 ва 2025 йиллар давомида ЦСКА шарафини ҳимоя қилган. Иқтидорли футболчимиз “армиячилар” сафида Россия кубоги ва мамлакат Суперкубогини қўлга киритган.
ЦСКА ўзбек футболчисини “Пахтакор”дан 500 еврога олиб, икки мавсумдан кейин 2025 йилнинг ёзида Туркиянинг “Истанбул Башакшеҳир” клубига 7,5 миллион еврога трансфер қилди.
22 ёшли Аббосбек Файзуллаев турк клуби тарихидаги энг қиммат трансфер эгаси ҳисобланади.
“Янги Ҳусанов” Европанинг беш клубидан бирини танлаши керак!
Ҳусанов синган оёқ билан майдонга тушганини тан олди
Ҳусановга япон гўзаллари ошиқ бўлди!
Ҳусанов мундиалдан хушхабар олди!
Майдонда очиқ жиноят бўлди. Ўзбекистонлик ҳакам бошқарган учрашувни танқид қилишди
Фикрлар