Ahmedovning sobiq jamoadoshi PSJ murabbiylar shtabida ish boshlashi mumkin

PSJ klubi yarim himoyachisi Lassana Diarra yozda o‘z faoliyatini yakunlashi mumkin.

L’Equipe nashri tarqatgan xabarga ko‘ra 33 yoshli futbolchi butsalarini mixga ilgach parijliklar murabbiylar shtabida ish boshlashni rejalashtirmoqda va ayni damda bu borada rahbariyat bilan muzokaralar o‘tkazmoqda. O‘z navbatida futbolchilar ham uning Parijda qolishini xohlashmoqda.

Eslatib o‘tamiz, Diarra o‘z vaqtida Maxachkalaning “Anji” klubida hamyurtimiz Odil Ahmedov bilan birga to‘p surgan. U joriy mavsum PSJ safida bor yo‘g‘i 3ta o‘yinda ishtirok etdi xolos.