AIBA бокс бўйича Осиё чемпионати учун 400 000 АҚШ доллари миқдорида мукофот пули ажратади

Бокс бўйича Осиё чемпионати совриндорлари тарихда биринчи марта AIBAдан мукофот пули олади. Навбатдаги қитъа чемпионатининг соврин жамғармаси 400 000 АҚШ долларини ташкил этади ва ҳар бир вазн тоифасида олтин, кумуш ва бронза медаллари эгалари ўртасида тақсимланади.

Эркаклар ва аёллар ўртасида биринчи ўринни эгаллаган боксчилар учун мукофот 10 000 долларни ташкил этса, иккинчи ўрин учун 5000, иккала бронза медаль эгаси учун ҳар бирига 2500 доллар мукофот тақдим этилади .

«Биз дастлаб режалаштирилган стратегияга амал қилмоқдамиз. Боксчилар кўп меҳнатлари учун мукофот олишлари керак. Пул нафақат спортчиларни рағбатлантиради, балки улар ва уларнинг оилаларининг молиявий барқарорлигини ҳам таъминлайди. Бизнинг қилаётган ишларимизнинг барчаси боксчиларимиз учун ва улар бизнинг энг муҳим шахсларимиздир. Осиё чемпионатининг барча иштирокчиларига рингда яхши жанг намойиш этишларини ва соғ-саломат бўлишларини тилайман », деди AIBA президенти Умар Кремлёв.

Бокс бўйича Осиё чемпионатига борадиган Ўзбекистон терма жамоаси таркиби маълум бўлди