"Ал-Ҳилол" "Севилья" ҳужумчисига қизиқиш билдирмоқда

Барча позициясини кучайтириб олаётган "Ал-Ҳилол"га энди ҳужумчи керак. Клуб бир қанча вариантларни кўриб чиқмоқда. Аввалроқ, "Наполи" вакили Виктор Осимхен Саудия жамоаси радарига тушганди. Шунингдек, Килиан Мбаппега ҳам расмий таклиф билан чиқилган. 

"AS" нашри хабар беришича, "Ал-Ҳилол" "Севилья" страйкери Юссуф Эн-Несирини сотиб олиш учун 45 миллион евролиr таклиф тайёрламоқда. Шунингдек, футболчининг маоши йилига 15 миллион евро бўлади. 

Эн-Несири ҳали сўнгги қарорни қабул қилмаган. Унинг жамоаси билан амалдаги шартномаси 2025 йилда ўз ниҳоясига етади. Испания клуби эса уни қўйиб юбориши мумкин.