"Ал Ҳуссейн" - "Насаф": Жамоалар қандай либосларда ҳаракатланиши маълум

Бугун Иордания пойтахти Амман шаҳрида жойлашган "Ландмарк" меҳмонхонасида "Ал Ҳуссейн" - "Насаф" учрашувидан олдин иккала жамоа вакиллари ва учрашув расмийлари иштирокида йиғилиш бўлиб ўтди.

Учрашувда эртанги беллашувга оид ташкилий масалалар ва янги мусобақадаги ўзгаришлар билан ҳар иккала жамоа расмийлари таништирилди.

Эртанги беллашувда "Насаф" тўлиқ қизил рангли спорт формаларида, мезбонлар "Ал Ҳуссейн" эса сариқ ва қора рангли либослардан фойдаланиши келишиб олинди.