"Ал-Иттифоқ" Хендерсон билан осонликча хайрлашмоқчи эмас

"Ал-Иттифоқ" жамоаси ярим ҳимоячи Жордан Хендерсон билан қишки трансфер вақтида хайрлашмоқчи эмас. Бу ҳақда TalkSport нашри хабар тарқатди.

Манбанинг маълум қилишича, футболчи жамоасини ўзгартирмоқчи. Унга Саудиянинг иқлими ва миллий чемпионатнинг савияси ёқмади. У тезроқ АПЛга қайтишни хоҳламоқда. Аммо "Ал-Иттифоқ" уни осонликчи қўйиб юбормоқчи эмас. Тез орада бош мураббий Стивен Жеррард ва спорт директор Марк Аллен ярим ҳимоячи билан учрашув ўтказади. 

Эслатиб ўтамиз, инглиз ёзда 14 миллион еврога "Ливерпуль"дан саудияликлар таркибига қўшилганди. Жорий мавсум 33 ёшли ўйинча 19 та ўйинда майдонга тушиб, 5 та голга ассистентлик қилган.