Алекс Перейра Магомед Анкалаевга "ответ" қилди

Ярим оғир вазн тоифасида UFC чемпиони Алекс Перейра россиялик жангчи Магомед Анкалаевнинг уни нокаутга учратишга ваъда берган баланд овоздаги гапига жавоб қайтарди.

“Сиз кўрдингизми, қанча одамлар ўзини реклама қилишга ҳаракат қилмоқда. Мени камситишга уринмоқда, нокаут қиламан, тугатаман демоқда... лекин мен машқ қиляпман, ривожланяпман...

Мен эндигина ўсишни бошладим, фарқ мана шунда. Илгари мен фақат кикбоксинг усулида жанг қилишим мумкин эди. Ҳозир мен ҳар томонлама ривожланяпман, шунинг учун ҳар бир рақибимга мен билан жанг қилиш қийин бўлади”, - деди Перейра.

Эслатиб ўтамиз, 30 июнь куни Лас-Вегасда ўтган UFC 303 турнири доирасида Алекс Перейра чехиялик Иржи Прохазкага қарши октагонга кўтарилган ва ушбу реванш жанги иккинчи раунднинг бошидаёқ бразилияликнинг ғалабаси билан якунланган эди.

Магомед Анкалаев эса профессионал фаолияти давомида 19 та ғалаба, 1 та мағлубиятв а 1та жанг дуранг қайд этган. Яна бир жанг ҳақиқий эмас деб топилган.

Айни дамда бразилиялик ва россиялик жангчилар ўртасидаги эҳтимолий жанг мухлислар ва мутахассислар томонидан қизғин муҳокама қилинмоқда.