Алекс Перрейра Магомед Анкалаев билан нега жанг ўтказмаяпти?

Машҳур UFC шарҳловчиси Жо Роган ярим оғир вазн тоифасида UFC чемпиони Алекс Перрейра (12-2) россиялик Магомед Анкалаев(19-1-1-1 N/C)га қарши нега жанг қилмаётганини тушунтирди.

“Алекс Анкалаев билан жанг қилиши керак эди. Сабаби Магомед 1-рақамли даъвогар. Бироқ у Перрейрага ёқмайдиган жуда кўп гапларни гапириб юборди. Шунинг учун Алекс атайин Анкалаевни кутишга мажбур қилмоқда. Бразилиялик март ойида жанг қилишини ва Могомедга қарши жанг ўтказиш ниятида эмаслигини айтди. Россияликнинг ўзи эса Рамазон туфайли октагонга кўтарила олмайди” — дея Роган сўзларини келтирди "ММА Mania" портали.ММА

Эслатиб ўтамиз, Анкалаев охирги жанггида Александр Ракични ҳакамларнинг якдил қарорига кўра мағлуб этди.