Алекс Волкановскига Макс Холлоуэй билан яна битта жанг қизиқ эмас.

Ярим енгил вазнда UFC чемпиони австралиялик Александр Волкановски (22-2) ушбу вазннинг собиқ чемпиони америкалик Макс Холлоуэйга (21-7) қарши квадрология жанги уни энди қизиқтира олмаслигини таъкидлади:

"Бу жанг яна ташкил этилса, умуман кассабоп бўлмайди. Уни уч маротаба мағлуб этдим, мабодо, у тўртинчи жангда ютса-чи?! Яна иккита жанг ўтказишимиз керакми?! Ҳақиқат шундаки, мен Макс билан яна битта жанг қилиш иштиёқида ёнмаяпман. Мен, аллақачон, Холлоуэйни енгиб бу борадаги саволларга нуқта қўйганман. Албатта: "Ҳеч қачон ҳеч қачон дема!" - деб айтишади, аммо, менга қизиқарли жанглар керак. Ҳозирда эса Макс мени ҳеч нимаси билан қизиқтира олмайди!"