Александр Поветкин ва Диллиан Уайтнинг реванш жанги санаси маълум бўлди

  • 2 сентябрь, 2020, 13:47
  • 0
  • Бокс

Таниқли промоутер Эдди Хирн вақтинчалик WBC чемпиони Aлександр Поветкин ва Диллиан Уайт ўртасидаги реванш жанги қачон ўтказилишини маълум қилди.

Унга кўра, жанг 14 ёки 21 ноябрда Лондонда бўлиб ўтади. Aввалроқ, Уайт жанг декабрь ойида бўлиб ўтиши мумкинлигини айтганди. Маълумки, боксчиларнинг биринчи жанг шартномасидан реванш ҳам ўрин олган эди.

Поветкин ва Уайт ўртасидаги дастлабки тўқнашув 22 август куни Буюк Британияда бўлиб ўтган ва унда россиялик боксчи бешинчи раундда рақибини нокаутга учратганди. Ушбу ғалаба Aлександрга вақтинчалик WBC чемпиони унвони ва WBC Diamond камарини тақдим этган эди.

41 ёшли Поветкин фаолияти мобайнида 36 та ғалабага эришган (25 таси нокаут билан). Шунингдек, 2 мағлубият ва 1 дуранг қайд этган.

Фикрлар

Саралаш
Фикр қолдириш учун авторизациядан ўтинг!