Александр Хомяков: "Ушбу мавсум учун барчага раҳмат"

Суперлига плей-офф босқичидан ўрин олган “Арал” – “Бухоро” (0:1) ўйинидан кейинги матбуот анжуманида меҳмонлар бош мураббийи Александр Хомяков иштирок этди.

- Ўйин ҳақидаги фикрингиз…

- Барча бухоролик мухлисларни жамоа Суперлигада қолгани билан табриклайман. Бунинг учун биз қийин йўлни босиб ўтдик. Нукусга битта жамоа бўлиб келдик ва мақсадимиз ғалаба қозониш эди. Кичик ҳисобда зафар қучдик ва энг муҳими, олдимизга қўйилган вазифани уддаладик.

- “Бухоро” деярли бутун ўйинни назорат қилди. Ушбу учрашувга тайёргарлик қандай олиб борилди?

- Психологик томондан катта босим бор эди. Аввало, шу босимни енгиб ўтишимиз лозим эди. Тайёргарликни эса одатдагидек олиб бордик. Машғулотларда алоҳида иш қилмадик, фақат мавсумнинг энг охирги ўйини бўлгани учун футболчиларнинг жисмоний ҳолатини ушлаб туришга ҳаракат қилдик. Мавсум давомида бир қанча ўйинлар ўтказдик — ғалабали ҳам, қийин учрашувлар ҳам кўп бўлди. Ушбу мавсум учун барчага раҳмат айтаман.