Альфонсо Дэвис жароҳат олди ва бир неча ҳафтага сафдан чиқди

Альфонсо Дэвис ПСЖга қарши Чемпионлар лигаси ярим финал жавоб ўйинида жароҳат олди.

"Бавария" ҳимоячиси Мюнхенда бўлиб ўтган баҳснинг 67-дақиқасида майдонни тарк этди. Учрашув 1:1 ҳисобида якунланди, икки ўйин натижасига кўра эса парижликлар 6:5 устун келди.

Мюнхен клуби матбуот хизмати маълум қилишича, футболчи чап оёқ сон қисми орқа мушагидан жароҳат олган. Бу клуб тиббий штаби ўтказган текширувлардан кейин тасдиқланган.

Шу тариқа, канадалик футболчи бир неча ҳафта давомида майдонга қайта олмайди.