Аллегри Роналдуни "Ювентус"дан йўқотишга уринган

"Ювентус"нинг собиқ бош мураббийи Массимилиано Аллегри 2019 йилда португалиялик ҳужумчи Криштиану Роналдуни жамоадан кетказишга ҳаракат қилган. Football Italia нашрининг ёзишича, у истеъфога чиқишидан аввал клуб президенти Андреа Аньеллига Роналдуни сотиб юборишни маслаҳат берган.

"Роналдудан қутулинг, у клуб ривожига хизмат қилмайди", - деган Аллегри.

"Ювентус" Роналдуни 2018 йилнинг ёзида 117 млн евро эвазига "Реал"дан сотиб олган эди. У ўшандан буён Турин клуби сафида жами 126 та ўйинда майдонга тушди ва ўз ҳисобига 97 та гол ҳамда 22 та ассист ёздириб қўйди.

Аллегри "Ювентус"ни 2014-2019 йилларда бошқарган. Жамоа унинг қўл остида 5 марта Италия чемпиони бўлди ва 4 марта мамлакат кубогини қўлга киритди. Аллерги ҳозирда ишсиз ҳисобланади.