Алонсо “Реал”даги инқирозни инкор этди

Европа матбуотида “Реал”нинг ички муҳити бузилганлиги, жамоа юлдузларининг аксарияти янги бош мураббий Хаби Алонсодан норози экани, таркиб икки гуруҳга бўлиниб кетгани ҳақида маълумотлар тарқатилган эди.

Ниҳоят, мадридликлар бош мураббийи Хаби Алонсо бу мавзуга ойдинлик киритиб, жамоанинг ички муҳити ҳақида маълумот берди.

-  Мен ҳар доим жамоа бирдам ва баҳамжиҳат эканини ҳис қилиб келганман. Ҳаммамиз мақсад қандай эканини яхши тушунамиз. Биз охиригача курашиб, барча совринларни ютиш имкониятини сақлаб қолишга ҳаракат қиламиз.

Одамлар нима деётгани ва нималарни истагидан қатъи назар, жамоанинг ичида жуда аҳил бўлиб қолаверамиз. Биз биргаликда олдинда интиламиз, - деди Хаби Алонсо.