Альварес "Атлетико"да қолиши мумкин

Аргентиналик ҳужумчи Хулиан Альварес келаси мавсумда ҳам "Атлетико" таркибида қолиши эҳтимолга яқин.

"Cadena SER" маълумотига кўра, футболчига "Арсенал" ва ПСЖдан қизиқиш бўлса-да, у ушбу вариантларни кўриб чиқмаяпти. Альварес фақат "Барселона"га ўтиш имкониятини инобатга олмоқда, аммо трансферни талаб қилиш нияти йўқ.

Шу билан бирга, "матрасчилар" каталонияликлар билан музокара олиб боришни истамайди, чунки сўнгги трансфер миш-мишлари клуб раҳбариятини норози қилган.

Шу сабабли ҳужумчининг "Атлетико"да қолиши ҳам истисно қилинмаяпти.

26 ёшли футболчи ўтган мавсумда барча мусобақаларда 49 та ўйинда иштирок этиб, 20 та гол ва 9 та голли узатма муаллифи бўлди.