Альварес янги агент сифатида машҳур футболчини танлади

Мадриднинг «Атлетико» жамоаси ҳужумчиси Хулиан Альварес ўзининг янги вакилини танлади. Илгари хабар қилинганидек, аргентиналик футболчи шу пайтгача унинг манфаатларини ҳимоя қилиб келган Фернандо Идальго билан ҳамкорликни тўхтатган эди. Журналист Педро Фульяна маълумотига кўра, 26 ёшли футболчининг янги агенти сифатида «ПСЖ», «Рома» ва Аргентина терма жамоасининг собиқ юлдузи Хавьер Пасторе иш бошлади.

Маълумот учун, ҳозир 37 ёшда бўлган Пасторе бошқа бир таниқли ватандоши – Энцо Фернандес манфаатларини ҳам ҳимоя қилади. Энцо Фернандес сентябрь ойи бошида «Челси»дан «Манчестер Сити»га 145 миллион евро эвазига ўтган эди.

Эслатиб ўтамиз, Хулиан Альварес «Барселона»га ўтиш истагини билдирган, аммо «Атлетико» каталониялик клуб билан музокараларга киришишдан бош тортган. Матбуотда тарқалган хабарларга кўра, «сине-гранатлар» ҳужумчи учун тахминан 100 миллион евро таклиф қилган. Шу билан бирга, Альварес номи Лондоннинг «Арсенал» клуби билан ҳам боғланмоқда.