Алвес чорак финалда “Барселона” билан ўйнамоқчи эмас
Туриннинг “Ювентус” клуби ҳимоячиси Дани Алвес “Порту” (1:0) устидан ЕЧЛ 1/8 финал жавоб баҳсида қозонилган ғалабадан сўнг кейинги босқичда собиқ жамоаси “Барселона” билан учрашишни хоҳламаслигини тан олди.
– Мен чорак финалда “Барселона” билан учрашишни истамаган бўлардим. Мен учун жуда оғир бўларди. Агар уларга қарши ўйнаш керак бўлса, ЕЧЛ финалида учрашган бўлардим, – дейди Алвес.
Эслатиб ўтамиз, икки ўйин натижасига кўра, туринликлар 2:0 ва 1:0 ҳисобларида зафар қучди. Алвес 2008-2016 йилларда "кўк-анорранглилар" шарафини ҳимоя қилган.
Фикрлар