Alvesning advokati bu ishni eplolmadi. Dani yana uzoq vaqt qamoqda o‘tiradi

Braziliyalik futbol yulduzi Dani Alvesning advokati o‘z mijozini qamoqdan chiqarishga yana bir urinib ko‘rdi – biroq u yana muvaffaqiyatsizlikka uchradi, deb xabar bermoqda Ispaniyaning Marca nashri.

Advokat sudyalarga mijozini mamlakatdan qochib ketmasligiga ishontirishga  harakat qildi va Alvesning jazosini uy qamog‘iga o‘zgartirilishini kutgandi.

Biroq, bu reja ham barbod bo‘ldi. Bu esa Alves yana uzoq vaqt qamoqda o‘tirishiga to‘g‘ri kelishini anglatadi. Eslatib o‘tamiz, Dani to‘rt oydan ko‘proq vaqt davomida qamoqda yotibdi.