Аморим: «Биз “Милан”нинг барча муаммоларини бир трансфер ойнасида ҳал қила олмаймиз»
«Милан» бош мураббийи Рубен Аморим жамоа таркибини кучайтириш бўйича клуб олиб бораётган ишлар ҳақида фикр билдирди.
«Биз “Милан”даги барча муаммоларни биргина трансфер ойнасида ҳал қила олмаймиз. Ҳозир қилаётган ишларимиз келажакни ўйлаб амалга оширилмоқда. Ёш футболчилар билан боғлиқ қийинчиликлар ҳам бўлиши мумкин, лекин улар орасидан кутилмаган ёқимли сюрпризлар ҳам чиқиши эҳтимолдан холи эмас. Биз тўрт-беш йиллик истиқболни кўзлаб ишлаяпмиз», — дея таъкидлади Аморим журналистлар билан суҳбатда.
Эслатиб ўтамиз, Рубен Аморим жорий йил июнь ойида «Милан» бош мураббийи этиб тайинланган. Ёзги трансфер даврида италиялик клуб янги футболчилар хариди учун тахминан 160 миллион евро сарфлади.
28 август куни «Милан» Италия чемпионати иккинчи тури доирасида ўз майдонида «Венеция» жамоасини қабул қилади.
Фикрлар