Аморим Фернандешнинг етакчилиги ҳақида гапирди

"Манчестер Юнайтед" бош мураббийи Рубен Аморим жамоа сардори Бруну Фернандеш билан боғлиқ вазиятга изоҳ берди. Аввалроқ португалиялик ярим ҳимоячи юмшоқ тўқималардаги жароҳат сабаб тахминан бир ой майдонга тушмаслиги мумкинлиги маълум қилинган эди.

"Бруну аллақачон машғулотларга чиқиш кераклигини айтаяпти. Лекин биз ҳали аниқ билмаймиз. Унинг "Вулверхэмптон"га қарши ўйинда қатнашиш эҳтимоли йўқ, умуман йўқ. Шуни бемалол ёзинг.

У ўйнамаётганида жим турадиган инсон эмас. У доим гапиради. Шу сабабли ҳам у сардор. Баъзан унинг ҳаракатларида салбий жиҳатларни ҳам кўрамиз, масалан, қўл ишоралари. Аммо унда ижобий томонлар жуда кўп.

У ҳар сафар тикланиш жараёнида ҳам машғулотларга келиб, бошқалар қандай ишлаётганини кузатади. Демак, у сиз кўрмайдиган кўп ишларни қилади. У доимо ажойиб етакчи бўлиб келган.

У даволанаётган пайтда ҳам машғулотларга келади. Билмадим, балки у менинг ишимни олишни истар (кулади). Лекин у етакчи. Бу футболчи — ҳақиқий етакчи", — деди Аморим.