Аморим: "МЮ учун ҳамма нарсага тайёрман"

"Манчестер Юнайтед"нинг янги бош мураббийи Рубен Аморим "қизил иблислар" футболчилари устидан ўта танқидий муносабат билдирилган тақдирда уларни ҳимоя қилишга тайёрлигини маълум қилди. Бу ҳақда Фабрицио Романо хабар берди.

- Мен жамоа учун ҳамма нарсага тайёрман. Керак бўлса, ўз футболчиларимни ҳимоя қилиш учун ҳаммага қарши тураман. Бу мен учун энг муҳим вазифалардан бири. Ғалаба қозониш учун қўлимдан келганини қиламан, - деди янги мураббий.

Маълумот учун, португалиялик мутахассис "Манчестер Юнайтед"га келгунига қадар "Спортинг"ни бошқарган. Жамоа Аморим бошчилигида икки маротаба Португалия чемпионати ва Португалия лигаси кубогини қўлга киритдилар.