Аморим МЮга "янги Кроос"ни олиб келишни хоҳлаяпти

"Манчестер Юнайтед" бош мураббийи Рубен Аморим клуб раҳбариятини "Ливерпуль" ва "Реал"ни ортда қолдириб, "Кристал Пэлас"нинг 21 ёшли ярим ҳимоячиси Адам Уортонга шартнома таклиф қилишга чақирмоқда, деб хабар берди Daily Star.

Аморим футболчини 2026 йилда шартномаси якунланганидан кейин клубни тарк этиши кутилаётган Каземирога ўринбосар сифатида кўрмоқда.

Уортон 2024 йилнинг қишида "Блекберн Роверс"дан 10 миллион евро эвазига "Кристал Пэлас"га ўтган эди. Transfermarkt маълумотига кўра, футболчининг айни дамдаги трансфер нархи 45 млн еврони ташкил қилмоқда. Жорий мавсумда футболчи клуб сафида барча мусобақаларда тўққизта ўйинда майдонга тушди ва гол урмади.

Аввалроқ, ОАВда "Реал Мадрид"нинг кейинги трансфер мақсадларидан бири айнан Адам Уортон эканлиги кўп маротаба таъкидланган эди.