"Ан-Наср" ҳужумчиси Россия клубига кўчиб ўтмоқда

Трансфер ҳуқуқи "Ан-Наср"га тегишли бўлган Жон Дуран "Фенербаҳче"ни тарк этиб, Россия томон йўл олди. Унинг кейинги манзили "Зенит" клуби бўлади. 

Инсайдер Фабрицио Романо хабар беришича, колумбиялик страйкерни Санкт-Петербург клуби ижарага олади. Шартномада эса сотиб олиш банди бўлмайди. 

Маълумот учун, Жонни "Ан-Наср" "Астон Вилла"дан 77 миллион еврога сотиб олганди. У риёдликлар сафида 18 та ўйинда майдонга тушиб, 12 та гол уришга муваффақ бўлган. 

Туркиядаги фаолияти қисқа бўлган Дуран "Фенербаҳче"да 21 та баҳсда иштирок этиб, 8 та голда иштирок этди (5 та гол + 3 та ассист).