"Ан-Наср" "Манчестер Юнайтед"га Антони трансфери бўйича таклиф юборди

"Ан-Наср" Антони трансфери бўйича иш бошлади.

FootMercato хабарига кўра, Саудия Арабистони клуби "Манчестер Юнайтед"га таклиф билан чиққан, унинг суммаси ошкор этилмаган.

UOL хабар беришича, манкунианликлар вингер учун 50 миллион фунт олишни кўзламоқда. Унинг "Юнайтед" билан амалдаги шартномаси 2027 йилнинг ёзига қадар имзоланган.

Ўтган мавсумнинг иккинчи ярмини бразилиялик футболчи "Бетис"да ижарада ўтказган эди. Унинг ҳисобида Испания клуби сафида Ла Лигада 17 та ўйинда 5 та гол ва 2 та ассист бор.

Аввалроқ, "Челси" ва "Ан-Наср" Жоау Феликснинг 30  миллион евролик трансфери бўйича келишиб олганди, бу сумма бонуслар ва қайта сотиш фоизини ҳисобга олган ҳолда 50 миллион еврога кўтарилади.