"Ан-Наср" Роналду бўйича янги қарор қабул қилди

Саудия Арабистони Про-лигасининг иккинчи туридаги навбатдаги учрашув олдидан «Ан-Наср» жамоаси таркиби эълон қилинди. Рўйхатдан жамоанинг португалиялик ҳужумчиси Криштиану Роналду ҳам ўрин олди.

«Ан-Наср» бу турда «Ар-Риёд» клубига қарши майдонга тушади.

Клуб матбуот хизмати ижтимоий тармоқларда жамоа сардорининг сафга қайтаётганини маълум қилди ва Роналдунинг жамоадошлари билан биргаликдаги машғулотидан лавҳаларни эълон қилди. Учрашув жума куни, 21 август санасида ўтказилиши режалаштирилган.

Маълумот учун, 41 ёшли португалиялик футболчи 2026 йилги жаҳон чемпионатидан кейин расмий ўйинларда майдонга тушмаган эди. Шу боис, келаётган баҳс Роналду учун янги мавсумдаги илк ўйин бўлиши мумкин. У аввалроқ Саудия Арабистони чемпионатининг старт туридаги «Ал-Фатех»га қарши учрашувни, шунингдек, мамлакат Чемпионлар кубоги доирасидаги «Ад-Дирия»га қарши беллашувни ўтказиб юборган эди.