Ана ҳолос! "Реал" Неймар ва Мбаппени қўлга киритиш учун Винисиусдан воз кечмоқчи бўлган

Машхур бразилиялик агент Андре Карри ўз вақтида Мадриднинг "Реал" клуби ПСЖ ҳужумчилари Неймар ва Килиан Мбаппени қўлга киритишга уринганини айтиб ўтди. Ушбу битим доирасида "қаймоқранглилар" қанот ҳужумчиси Виниус Жуниорни алмаштириш варианти сифатида таклиф қилишган. 

"Ҳа, "Реал" Мбаппе ва Неймарни қўлга киритмоқчи бўлган, ва ўша вақтда Винисиусни битимга қўшмоқчи бўлишган. Ўшанда у ҳали асосий таркиб футболчиси эмасди, лекин унда улкан салоҳият бор эди. Мен бу воқеани яхши биламан, чунки Леонардо (ПСЖнинг собиқ спорт директори) менга Жуниорни ёқишини айтганди", — дейди Карри "RMC Sport" билан суҳбатда.

Эслатиб ўтамиз, Неймар 2023-йилда ПСЖни тарк этиб, Саудия Арабистонининг "Ал-Ҳилол" жамоасига ўтган. Мбаппе эса 2024-йилнинг ёзида "Реал" футболчисига айланган. Винисиус эса 2018-йилдан бери "қаймоқранглилар" сафида тўп сурмоқда.