Ана холос! Алдервейрелд энди Бельгия терма жамоаси таркибида ўйнамайди

Тоби Алдервейрелд Бельгия терма жамоасидаги фаолиятини якунлади.

"Барчангизга раҳмат", - деб ёзди 34 ёшли футболчи ўзининг ижтимоий тармоқларида терма жамоадаги энг яхши дамлари акс этган видеони жойлаштирган ҳолда.

34 ёшли футболчи "қизиллар" сафида умумий 127 та ўйинда майдонга тушиб, 5 та гол урган. Футболчи 2009 йилдан буён терма жамоа шарафини ҳимоя қилиб келмоқда.

Жорий мавсумда тажрибали ҳимоячи "Антверпен" сафида 36 та ўйинда майдонга тушиб, 2 та гол ва 2 та самарали узатмага муаллифлик қилган.